مملكة البنات
أهــــــــــــلــــــــــــيـــــــــــــــــن وســـــــــــــــــــهـــــــــــــــــــــــــــــــلــــــــــــــيــــــــــــــــــــــــــــن

في مــــــــــنــــــــــتـــــــــدى مـمــــــــــــلــــــــــــــــــكــــــــــــة الـــــــــبـــــــــــــنــــــــــا ت

مملكة البنات

مــــــــــنـــــــــتــــــــــــدى مـــمــــــلــــــكــــــة الـبــنـــــا ت
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 ريوايه منتأليفي من تاليفي

اذهب الى الأسفل 
كاتب الموضوعرسالة
مومو
عضو جديد
عضو جديد


عدد المساهمات : 6
نقاط : 12
السٌّمعَة : 5
تاريخ التسجيل : 15/07/2010

مُساهمةموضوع: ريوايه منتأليفي من تاليفي   الأربعاء أغسطس 18, 2010 4:52 am

بسم الله الرحمان الرحيم bom









هاذي رواية من تأليفي..

(( لـــــــــيـــــل الــمح ـــــــبــيـــن يا طـولــــــــهــ ))

انشالله تعجبكم..

هالله هالله بالردود..

لأني اذا مالقيت ناس متابعين معاي ما راح أكمل تنزيل أجزاء..

المتابع بس يكتب معاي (( مـــــتـــــــــــــــا بــــعــ / ــهـ ))

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

سم الله الرحمن الرحيم

الشخصيات:
الأولاد:
عمر:ثاني جامعه, انسان عصبي وماعنده اي تفاهم, مملوح أسمر شوي جسمه حلو عنده عضلات (( من السعوديه ))
تركي:ثاني جامعه بعد, صديق عمر مرة, انسان حبوب مرح, ابيضاني كيوت عنده غمازات جسمه عادي وهو الوحيد اللي فاهم عمر (( من السعوديه ))
وليد:رابع جامعه, انسان غامض مع انه عقله كبير ويعرف يتعامل مع المواقف وهو مثل الأخو الكبير للأولاد, اسمر وكشخه << أهم شي (( من الكويت ))
سيف:ثالث جامعه, انسان على نياته وما يحب يغلط على أحد ويحاول يبعد عن المشاكل قد ما يقدر , ابيض شوي شعره اسود عيونه عسليه فاتحه (( من السعوديه ))
يزيد:أول جامعه, انسان فيه هطافه مو طبيعيه بس حبوب ويدخل القلب وبريء لأبعد درجه, حنطي وجسمه حلو كتوفه عريضه شوي (( من الكويت ))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
البنات:
جوري:أول جامعه , انسانه هاديه وحساسه بس يعتمد عليها ومرة طيوبه , كيوت عندها غمازات ونعومه, بيضاء شوي جسمها حلو (( من السعوديه ))
كادي: أول جامعه , بنت خالة جوري وصديقتها مرة واللي يشوفهم يقول خوات, انسانه طيبه بس ما تسكت على اللي يغلط عليها ولا على اللي تحبه , مرة خقه وحلوة جسمها خطييير ببيضاء خدودها ورديه خلقه وشعرها أسود (( من السعوديه ))
شهد: ثاني جامعه , صديقة البنات , انسانه مرحه وما تشوفينها زعلانه بالمرة تدخل القلب بسرعه , دبدوبه وخدود شوي بس كيوت وغمازات, ما تحب تشوف أي أحد زعلان (( من السعوديه ))
ريماس: ثاني جامعه , صديقة شهد , ونفس شخصيتها بس انها عربجيه شوي بس, حنطيه جسمها عادي بس انها مملوحه وفيها شي يجذب (( من الكويت بس طول عمرها ساكنه في السعوديه))
__________________________________________________ _____

بسم الله نبدأ:

اليوم أول يوم بداية السنه الدراسيه في الجامعه العربيه في أمريكا..

جوري:كادووي قومي يلا تأخرنا..
كادي: طيب.. طيب أنا قايمه بس قاعده أرتاح شوي..
جوري: ههههههه يالسودانيه شترتاحين له.. توك قايمه من النوم.. يلا أنا بروح أقوم البنات.. إذا رجعت وانتي نايمه يا ويلك..
كادي: طيب .. بس انتي روحي ويكون خير..
جوري: هاه حمارة تسلكني.. بس قلت لك يا ويلك مني.. تسمعين؟؟
كادي: انزيـــــــــــــــــــــن..
جوري تدق الباب على غرفة البنات..
شهد: ميــــــــــن؟؟
جوري: أناااا!!
شهد: الباب مفتوح..
دخلت جوري كانت شهد عند المرايه تمشط شعرها: زين قمتي وفرتي علي..
شهد: طيب قومي الحلوة الثانيه.. محد يعرف لها غيرك..
جوري راحت قعدت جمب ريماس في السرير وقعدت تلعب في شعرها: ريمي.. ريمي..
ريماس ابتسمت وهي نايمه: هاه؟؟
جوري وهي تطالع شهد وتغمز لها: يلا قومي حياتي..
ريماس: يلا..يلا قمت..
جوري: وين قايمه وانتي عالسرير.. لا تخليني أزعل عليك..
ريماس وهي تعدل جلستها: ها لا كلش ولا زعل جوري.. شوفيني قمت..
شهد تصرخ: يا حمااااارة أنا من اليوم وأنا قاعده أقوم فيك.. ومارضيتي تقومين ولما جت جوري قمتي بسرعه..
ريماس وهي تلعب بشعرها: حبيبتي أنا ما عرف أقوم الا بالكلام الحلو..
جوري تقرص خد ريماس بشويش: لبى قلبك.. شلون أحد يشوفك وانتي نايمه ويقومك من دون كلام حلو..
ريماس: شفتي شلون هاذي الناس اللي تعرف تتكلم.. مو (( وهي قاعده تقلد شهد وتصرخ)) ريمااااسو بتقومين ولا بالنعله.. مافي أي أسلوب..
جوري طلعت من الغرفه وهي تضحك ودخلت غرفتها هي وكادي وكادي كانت قاعده تطلع لها ملابس: توني كنت أبدخل أصرخ عليك الحين..
كادي: شفتي انك تدورين السبه علي.. طيب البس هاذي ولا هاذي..
جوري: لا البسي الزرقا مع البنطلون الأبيض..
كادي تطالع البدله وتهز راسها: صح حلووو..
جوري وقفت وجت بتطلع من الغرفه: يلااا بسرعه البسي وتجهزي وأنا بروح أجهز الفطور..
بعدين طلعت تجهز الفطور.. بعد ربع ساعه..
طلعوا ريماس وشهد من الغرفة..
شهد وهي تشم ريحة الأكل: الله يااا حلو ريحة الأكل..
ريماااس: يا أنا جوعانة أمس ما تعشيت..
شهد: أحسن خلي الدلع ينفعك.. أمس أقولك تعالي تعشي.. تقولين مو مشتهيه..
جوري وهي تقط كيس الخبز والسفرة لشهد:حطي على الطاوله..وريمي شيلي هذيك الصينية..
شهد وهي تهز راسها: انشالله عمتي..
جوري تعلي صوتها عشان كادي تسمع: كادوووي تعالي أفطري.. قبل لا يبرد الأكل..
كادي وهي تطلع من الغرفه وتلعب بشعرها من فوق: طيـــــــــــــــب جيت..
وطلعت جوري من المطبخ ومعاها صينية الأكل وحطته على طاولة الصالة حقتهم..
وقعدوا هي وكادي..
كادي: شهد عطيني الخبز..
شهد وهي تمد لها الخبز وتدور: امممم وين الملح؟؟
ريماس: لحظة أبروح أجيبه.. وراحت المطبخ..
شهد وهي تعلي صوتها: وجيبي معاك كاس..
ريمااس: طيب
بعد ما خلصو البنات الفطور غسلوا الصحون بسرعة وطلعوا..

والوحيدة اللي تسوق فيهم هي شهد.. ومروا على ستاربكس وخذوا كافيات وراحوا للجامعه..

أول ما دخلوا الجامعه..
كادي: الله تحمست وناسه اليوم أول يوم..
جوري: أنا مرتبكة..
شهد: يا حليلكم.. ريماس تذكرين الأيام الأولى لنا هنا..
ريماس: يا كنا ساحبين على الدكاترة.. بنات نصيحة مني لا تسحبون عليهم..
جوري : ليه؟؟
ريماس: لأن راح يمسكونها عليك طول الأربع سنوات..
شهد: تخيلي اختبار السمستر الثاني بدعت فيه.. لما جا يقول درجتي.. قال لي عشان كنتي مطنشه الحصص الأولى هذا اللي تستحيقنه..
كادي: الحمدلله والشكر.. شدخل؟؟ تخلف!!
جوري: من جد.. آي بطني بدا يعورني.. كله منكم..
كادي: لا ما عليكم شوية تميلح وينسى..
ريماس: يعني ما جربنا.. ما ينفع..
كادي: انتوا ما تعرفون تميلحون زين.. بتشوفون ان ما عطاني A+
شهد: اتحدااااااك..
كادي: لا تحديــــن..
ريماس: اتحداااااااااااااااك..
كادي: قلت لكم لا تحدون..
البنات: اتحدااااااااااااك..
كادي: طيب بتشوفـــون..
ريماس: بنات باقي نص ساعه على محاضرتنا.. امشوا خلونا نروح نقعد في الحديقه..
البنات: يلاااا..

وهم في الطريق..
جوري: بنات أنا ماني قادرة أتحمل.. بروح الحمام.. وينه؟؟
شهد وهي تغمز للبنات: اسمعي روحــــــي لآخر الممر بعدين يمين أول باب على يسارك..
جوري: طيب.. خلاص أجل أجيكم في الحديقه..
ورااااحت..
شهد وريماااااس ماسكين بطنهم ويضحكووووون..
ريمااااس: هههههههه.. يا خبيثه.... ههههههه .. يا هي بتعصب عليك.. ههههههه
شهد: هههههههههههههههه
كادي: ليه شهودوووه.. شمسوية فيها؟؟
ريماس: ههههههههه دلتها على حمام العيال..
كادي وقف قلبها وقعدت تصرخ على شهد: ياااا حمارة.. ليش تسوين فيها كذا؟؟
شهد: يا بنت الحلال خلينا نضحك شوي..
كادي: أنا بروح الحق عليها.. لا تجيها روعه سملى عليها..
ورااااحت..
ريمااااااس تعلي صوتها: كاااااادي خليها..
كادي لفت عليهم وهي تمشي: اسبقوووني..
بعدين فجأة طالعت قدام.. ولا هي و واحد وقفو فجأة..
كادي: سوووري..
سيف: لا عادي..
لفت يمين ولف يمين..
لفت يسار بعدين لف يسار..
بعدين وقفوا كلهم..
قعدت تطالعه وهي تطق رجلها بالأرض..
سيف وهو يوخر عن طريقها ويمد يده: تفضلي..
كادي ابتسمت: شكراً.. مو لو صاير سنع من أول مو أحسن.. بعدين معروف Ladie's first
سيف بعد ما خق: آهااااا.. السموحة مو قصدي بالغلط.. خلاص مرة ثانية ما أتحرك الا لما تتحركين..
كادي وهي تهز راسها: اي كذا تعجبني..
بعدين مرت من عنده..
سيف لف راسه ما وخر عينه عنها الا لما لفت في آخر الممر..
بعدين لف يكلم وليد: يا لبيــــــــــه..
وليد: شفيك؟؟
سيف: قلبي.. شكلي حبيت << يستعبط.. لأن ما يمديه يحب..
وليد: أمدااااااك..
سيف: ايه الحب من النظرة الأولى..
وليد: امش الله يخلف عليك.. هههههههههه .. الله يكملك بعقلك
.................................................. .......
جوري ماسكة بطنها ممغوصه وجت بتفتح باب الحمام ولا يطلع منها واحد.. بعدين رجعت على ورى بسرعه وصقعت واحد..
الولد: ما تشوفين.. الله لا يعمينا..
جوري ارتبكت:آه مرة سوري.. أنا كنت أبدخل الحمام بعدين طلع منه واحد بعدين أنا رجعت ورى بسرعه وما شفتك بعدين انتـ..
الولد: مرة ثانية فتحي..
الولد اللي طلع من الحمام ((عمر)) يصارخ: خلاص قالت لك ما شافتك بالغلط..
الولد: يا شين اللقافه..
عمر: شنو قلت؟؟
بعدين قرب من الولد ومسك ملابسه..
عمر يصارخ: اعرف من تكلم!!
تركي يفرقهم: خلاص عمر..
عمر: يحسبني قده..
الولد يعدل ملابسه: سقهاااااااااا..
عمر يحاول يفك نفسه من تركي: هدني يا تركي خله يعرف من يكلم..
جوري حست أنها السبب في السالفه دمعت عيونها..
كادي جت عند جوري وقالت: الله هوشه.. حماااس.. تونس الجامعه.. من أول يوم هوشات.. فهمتي السالفه؟؟
جوري:ايه.. أنا!!
كادي فكت عيونها بقوه: هاه؟؟
جوري قالت لكادي السالفه بسرعه..
كادي: أيا الخسيس..
جت بتروح تعصب عليه.. مسكتها جوري..
فصار تركي ماسك عمر.. وجوري ماسكه كادي..
كادي تعلي صوتها على الولد: ما في أي ذوق ولا احترام الأيام هاذي.. مو قالت لك سوري ما يحتاج تسوي سالفه من ولا شي .. سهله سوري.. لا عادي.. بس وانتهينا..
الولد لف على جوري: لا عاادي..
جوري: والله ما كان قصدي.. انا آسفه..
عمر وكادي: لا تأسفين.. مرة يكفي..
ومشى الولد..
جوري جت عند عمر: مرة سوري شكلي سببت لك مشكله..
عمر: لا عادي.. بس أنا مستغرب انك كنتي بتدخلين حمام العيال.. ((بعدين عفس وجهه))
جوري انحرجت: ايه.. اليوم أول يوم.. ارتبكت بعدين بطني يعورني بعدين قلت لشهد وين الحمام بعدين دلتني على حمام العيال.. بعديــنـ..
ابتسم عمر من طريقة جوري في الكلام إذا خافت ولا انحرجت تتكلم بسرعه بعدين قعد يطالعها وهو مبتسم وساكت..
جوري مكمله وهي مو منتبهه له: يوم جيت أدخل بعدين انت طلعت وانا قلت شنو اللي جاب ولد عند حمام البنات بعدين استوعبت إنا شهد
كذبت علي ووهقتني وخفت ورجعت ورى بسرعه وصقعت الولد العصبي اللي أولى..

قاطعتها كادي: بس يا بنت الحلال صجيتي الولد..
تركي ضحك بصوت عالي..
لفت جوري عليه متفشله: سوري..
كادي: بس جوري ما خليتي أحد ما قلتي له سوري..
جوري نزلت راسها: سوري..
تركي ضحك مرة ثانيه بصوت عالي..
وكادي ضحكت معاه عليها..
جوري لفت راسها منحرجه منهم..
عمر ابتسم نص ابتسامه: بعدين شنو صار؟؟
سكتوا كادي وتركي..
جوري خقت:آآآآه.. بس بعدين اللي انت شفته.. ولفت عليه
عمر غمض عيونه الثنتين وعض شفايفه وابتسم نص ابتسامه.. يكلم نفسه " يا لبيه.. ههههههه .. كيوت.. بريئه.."
جوري ميلت راسها على جمب واستغربت ليش سوى الحركة هاذي وقربت حواجبها من بعض..
بعدين فك عيونه وشاف وجهها..يكلم نفسه " ياااا ناااااسو على البراءة"
وابتسم ابتسااامه كبيرة..
بعدين هي عدلت راسها ورفعت حواجبها وردت له الابتسامه..
كادي فجأة تكلمت بصوت عالي: جوااارة.. أمشي خلينا نروح عند الحديقه البنات ينتظرون..
جوري تخرعت ونطت من مكانها..
جوري تكلم نفسها بصوت خفيف:طيب.. أنا جمبك ما يحتاج تصارخين..
عمر سمعها وابتسم..
جوري تكلم عمر: مرة ثانكيو على وقفتك معاي.. يااااا..
عمر:.. عمر.. ومرة عفواً.. يااا..
جوري: جوري..
كادي تكتفت ورفعت حاجبها: خلصتواا..
جوري هزت راسها يعني اي..
ومسكت يدها وسحبتها للحديقه..
عمر قعد يطالعها وهو سرحان حتى بعد ما لفت..
تركي: عمور.. اللي ماخذ عقلك يتهنى.. هههههههههههه
.................................................. ..........
جوري وكادي راحوا للحديقة لقوا شهد وريماس جالسين على طاوله..
جوري راحت لشهد وهي معصبه: شهد شهالحركة البايخة.. والله انك مالك داعي..
شهد ضحكت: ليه شصار؟؟
كادي: شما صار!!
شهد تحمست وعدلت جلستها: تعالي قولي لي السالفه..
جوري قالت لها السالفه من طق طق للسلام عليكم..
شهد: حماااااااااااااااااس.. طيب هاذا عمر حلو؟؟
جوري: هاه؟؟.. مدري..
شهد: شنو ما شفتيه؟؟
جوري: الا..
شهد: أجل شلون ما تدرين؟؟ كادي حلو؟؟
كادي: خطيـــــــــر.. عليه جسم ابن الذين.. من عذرها جوري قامت تقط خيط وخيط عنده.. ههههههههه
شهد:ههههههههههههه
ريماس:ههههههههههه
جوري: ها ها ها يالسخيفه..
ريماس: شهد يلا خلنا نلحق عالمحاضرة قبل لا تبدا..
شهد: يله.. انتوا متى محاضرتكم؟؟
كادي:لحظة..
وطلعت ورقه من شنطتها..
كادي صرخت: لااااااااا
جوري: شنو؟؟
كادي: الحين!!
وقاموا جوري وكادي بسرعه..: يلاااا باي نشوفكم بعد المحاضره..
ريمااااس تضحك: ههههههه والله انكم مخفه.. مفروض أول شي تسوونه الصبح تشوفون الجدول..
.................................................. .
كادي وجوري كانو تقرياً قاعدين يركضون لين لقوا باب القاعه حقتهم.. ودخلوا متأخر طبعاً..
أول ما دخلو لقو الدكتور حقهم يتفلسف تعرفون فلسفة أول يوم دراسه..
لما دخلوا من الباب كل الطلبه لفوا.. بعدين قال الدكتور: شيء جيد الصراحه هذا يدل على حرصكم للمحاضرة.. وش عندكم "بعدين قعد يطالع ساعته" جايين بدري في أول يوم دراسه؟؟
كادي وجوري على وجيهم علامات استفهام؟؟
جوري: سوري
جوري لمحت عمر جالس بين الطلبه وابتسم أول ما قالت سوري..
رجعت ابتسمت له..
الدكتور يقول الجوري: مستانسه أنك متأخرة؟؟ وش رايك انتي وياها نخلي الفرحه تكتمل الحين بدخلكم لأنه أول يوم وما تعرفوني بس أبي بكرة بحث من 30 صفحه عن التأخير على المحاضرات وشنو أسبابها وشلون تعالجونها!! تسمعون؟؟
كادي وجوري هزوا روسهم يعني اي..
الدكتور: يلا اجلسوا قبل لا غير رايي..
.................................................. .
خلصت المحاضرة..
أول ما طلعوا من المحاضرة..
كادي: يا ليل من أول يوم بحث 30 صفحه..
جوري: من جد..
كادي: كله منك ليش ما طالعتي الجدول..
جوري: شدخلني؟؟ انتي ليش ما طالعتي الجدول انا كنت معتمده عليك..
كادي: احرااااااج لما كل اللي في القاعه لفوا علينا..
جوري تذكرت عمر وابتسمت..
عمر ينادي من بعيد وهو يمشي بسرعه..
عمر: جووووري..
جوري لفت وابتسمت له وانتظرته..
عمر: من أول يوم بحث.. الله يعينكم..
كادي معصبه: من جد تنرفزت.. مفروض يخلينا ناخذ عنه فكرة زينه ويحن علينا عشانه أول يوم.. مدري وش فيه أمه هو؟؟
عمر قاعد يطالع جوري وهو سرحان..
جوري استحت ولفت وجهها وتطالع فوق بعدين تتلفت..
عمر" يا قلبوش على اللي يستحون"
كادي: هيـــــه أنا أتكلم..
عمر: إذا تبون أقدر أعطيكم بحوثي حقة التأخير وحقة النوم في المحاضرة وحقة السرحان..
ضحكوا البنات..
جوري: الله كل هذا مسويه..
عمر: ايه السنه اللي فاتت كنت ساحب على المحاضرات..
كادي استغربت: انت مو سنه أولى؟؟
عمر: لا ثانيه..
جوري: هاه؟؟
عمر: سالفه طويله.. إذا فاضين اليوم نطلع العصر يصير أجيب لكم البحوث وأقولكم السالفه.. إذا تبون؟؟
كادي: أنا رايي من راي جوارة.. (( وغمزت لجوري))
جوري:هااه.. عادي..
عمر:أجل عند الكافيه اللي ورى الجامعه..
كادي: طيب خلاص
جوري هزت راسها..
بعدين راح عمر..
.................................................. ...............
العصر في الشقة..
جوري معصبه: كااااااااااااااااااااااااااااااااادي خلصيني تأخرناااا..
ريماس طالعه من الحمام:وين على الله؟؟
كادي طالعه من غرفتها: رايحين نشوف ( وغمزت لجوري ) حبيب القلب..
جوري: ها ها يا سخفك.. واحد معانا في الكلاس بيعطينا البحوث حقته..
ريماس طنشت جوري: الحلو اللي دافع عن جوري؟؟
كادي متحمسه:ايه هوووو..
ريماس: أماااااااااااااانه.. لحظة بروح وياكم..
جوري:يوووووه خلصيني..
شهد: وين راااااااايحين؟؟
ريماس تصارخ: بنروح نشوف صديق جوري الحلو..
شهد بحماس: اللي دافع عنها؟؟
ريماس وكادي: اييييه..
شهد: انتظروووني دقايق وأنا جاهزة..
جوري عصبت بقوة: الولد ينتظرنا!!
ريماس طلعت راسها بس من الغرفة.. وشهد من الحماااام.. وكادي لفت عليها..
كلهم لفو على بعض: يااا نااااااس ماتبي تتأخر عليه..
جوري ابتسمت: وجع بلا تفاهه..
كادي: يا الخبلة اثقلي.. لا تصيرين مطيورة..

بعدين طلعوا البنات: يلاااا.. لا تموت عليناااا..
.................................................. ........

أول ما دخلو المقهى..

عمر كان يطالع بالقهوة وسرحان ويلعب بالكاس حقه..

.

.

.

.

.

في متااااابعين؟؟

يـعـنـي أكــــــمـــــــل؟؟

شـــــــــرايــــــــــــــكـــمــ .. ؟؟

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملكة الاحساس
عضو ذهبي
عضو ذهبي
avatar

عدد المساهمات : 131
نقاط : 214
السٌّمعَة : 11
تاريخ التسجيل : 13/07/2010

مُساهمةموضوع: رد: ريوايه منتأليفي من تاليفي   الجمعة أغسطس 20, 2010 3:02 am

رووووووووووعة بالنسبة لك مرة روووعة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أحـــــلــــــــى بنوته
مديرة المنتدى
مديرة المنتدى
avatar

عدد المساهمات : 114
نقاط : 194
السٌّمعَة : 4
تاريخ التسجيل : 05/07/2010

مُساهمةموضوع: رد: ريوايه منتأليفي من تاليفي   الجمعة أغسطس 20, 2010 11:02 am




يسلمووو ماشاءالله روايه جداا رائعه ماشاءالله ابداع لا تحرمينا من ابداعاتك الرائعه lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kingdom2010.ba7r.org
ღ ṦǾṤǾ ღ
عضو ذهبي
عضو ذهبي


عدد المساهمات : 72
نقاط : 81
السٌّمعَة : 6
تاريخ التسجيل : 16/08/2010

مُساهمةموضوع: رد: ريوايه منتأليفي من تاليفي   الخميس أغسطس 26, 2010 9:12 pm

يسلمومررررررررررررررررررررررررررررةروعه [وحدهم المشرفون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
k0k0
عضو فعال
عضو فعال


عدد المساهمات : 32
نقاط : 34
السٌّمعَة : 5
تاريخ التسجيل : 30/10/2010

مُساهمةموضوع: رد: ريوايه منتأليفي من تاليفي   الأربعاء نوفمبر 03, 2010 4:15 am

ياي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ريوايه منتأليفي من تاليفي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مملكة البنات :: الواحه الادبيه :: قصص وحكايات-
انتقل الى: